Tríóið Góss er skipað Sigríði Thorlacius og bræðrunum Sigurði og Guðmundi Óskari Guðmundssonum. Þau hafa undanfarin ár flakkað spilandi og syngjandi um landið. Prógramið eru lög héðan og þaðan - frumsamin lög og tökulög, íslensk ættjarðarlög og erlend dægurlög. Allt í bland og öllu skellt í einhverskonar þríraddaðan sveitabúning. Platan Góssentíð kom út 2019 og fékk fádæma góðar viðtökur.